संसदले समयमा विधेयक पास गर्नुपर्छ: अध्यक्ष तिमिल्सिना

२०७७ फाल्गुन २० गते, बिहीबार

काठमाडौं – राष्ट्रिय सभा अध्यक्ष गणेशप्रसाद तिमिल्सिनाले सरकारले ल्याएका विधेयकलाई संसदले समयमै पास गर्नुपर्ने बताउनुभएको छ।
राष्ट्रिय सभाको तीन वर्ष पुरा भएको अवसरमा आयोजित राष्ट्रिय सभाको प्रभावकारिता तथा कूटनीतिक शिष्टाचार सम्बन्धी अभिमुखीकरण कार्यक्रममा बोल्दै अध्यक्ष तिमिल्सिनाले संसदले समयमा कानून नबनाउँदा सरकारको काम प्रभावित हुने बताउनुभएको हो।
संघीय संसदमा प्रतिनिधिसभा र राष्ट्रिय सभाले पास नगरी कानून बन्दैन, उहाँले भन्नुभयो, ‘लामो छलफल गरेर एउटा सभाले पास गरेको विधेयक अर्को सभाबाट पास नहुँदा समस्या भएको छ। संघ, प्रदेश र स्थानीय तह (अन्तरसम्बन्ध व्यवस्थापन) विधेयक, २०७५ यसको एक उदाहरण हो ।’
अध्यक्ष तिमिल्सिनाले एउटा उद्देश्यका साथ सरकारले ल्याएका विधेयकलाई सरकार परिवर्तन हुने अवस्थासम्म पनि कानूनको रुप दिन नसक्दा यसले सदनको सक्षमता माथि प्रश्न उठाउने धारणा राख्नुभयो।
राष्ट्रिय सभाले तीन वर्षसम्म गरेका काम बारे जानकारी दिँदै उहाँले सातौं अधिवेशनसम्म राष्ट्रिय सभाको २२२ वटा बैठक बसेको बताउनुभयो। तिमिल्सिनाले भन्नुभयो, ‘यस अवधिमा सभामा ४१ वटा विधेयकहरू दर्ता भएकोमा १६ वटा विधेयक प्रमाणीकरण भइसकेका, २४ वटा मध्ये आठवटा सभामा विचाराधीन रहेका छन्।’
त्यसैगरी १०वटा विधेयक समितिमा विचाराधीन रहेका र छवटा विधेयक राष्ट्रिय सभाबाट पारित भई प्रतिनिधि सभाबाट फिर्ता आउन बाँकी रहेका जानकारी अध्यक्ष तिमिल्सिनाले दिनुभयो।
सभाले यसअवधिमा तीनवटा जरुरी सार्वजनिक महत्वको प्रस्ताव, चारवटा ध्यानाकर्षणको प्रस्ताव र एकवटा संकल्प प्रस्तावहरू दर्ता भइ सो उपर छलफल गरेको उहाँले जानकारी दिनुभयो।
सो अवसरमा अध्यक्ष तिमिल्सिनाले संसदले दिएका निर्देशन सरकारले कार्यान्वयन कार्यन्वयन गर्नुपर्ने र कार्यन्वयन भए नभएको समेत संसदलाई जानकारी गराउनुपर्ने बताउनुभयो।सरकारलाई दिएको निर्देशन कार्यन्वयन भएन भने संसद र संसदका समितिले चासो राखेर अनुगमन गर्नुपर्छ,’ उहाँले भन्नुभयो।
तीन वर्षसम्म राष्ट्रिय सभा बिना अवरोध सञ्चालन भएको बताउँदै अध्यक्ष तिमिल्सिनाले आगामी दिनमा थप प्रभावकारी बनाउन सभा सँगै समिति तथा कर्मचारीको क्रियाशिलता बढाउनुपर्ने धारणा राख्नुभयो।
त्यसैगरी कार्यक्रममा बोल्दै राष्ट्रिय सभा उपाध्यक्ष शशीकला दहालले राष्ट्रिय सभाले तीन वर्षमा आफ्नो महत्व र प्रभावकारिता देखाउन सकेकोमा खुसी व्यक्त गर्नुभयो। उहाले सभालाई अझ मजबुद बनाउन सभाको नेतृत्व, विषयगत समिति, सांसद तथा कर्मचारीको भूमिका महत्वपूर्ण हुने धारणा राख्नुभयो।
उहाँले संसदले बनाएका कानून मुलुक र जनताको हितमा कार्यन्वयनको भएको छ वा छैन भन्ने अनुगमन गर्नुपर्ने बताउनुभयो। राष्ट्रिय सभाका सदस्य तथा सचिवालयका कर्मचारि उपस्थित अभिमुखिकरण कार्यक्रममा कानून आयोगका अध्यक्ष माधव पौडेलले राष्ट्रिय सभाको औचित्य र उपलब्धी बारे कार्यपत्र प्रस्तुत गर्नुभएको थियो।

130 Views
प्रतिक्रिया दिनुहोस्

ताजा

भक्तपुरको विद्यालयमा पुरातात्विक भग्नावशेष फेला

२०७८ कार्तिक ११ गते, बिहीबार

भक्तपुरको विद्यालयमा पुरातात्विक भग्नावशेष फेला

२०७८ कार्तिक ११ गते, बिहीबार

वाग्मतीका मुख्यमन्त्रीमा राजेन्द्र पाण्डे नियुक्त, शपथ ग्रहण सम्पन्न

२०७८ कार्तिक ११ गते, बिहीबार

मुख्यमन्त्री अष्टलक्ष्मी शाक्यद्वारा राजीनामा

२०७८ कार्तिक १० गते, बुधबार

लमजुङ केन्द्रविन्दु भएर भूकम्प

२०७८ कार्तिक ९ गते, मंगलवार
fire

सोल्टीमोडमा रहेको गिफ्ट ट्रेनिङ सेन्टरमा आगलागी

२०७८ कार्तिक ९ गते, मंगलवार

काठमाडौं जिल्लामा आजदेखि एस्ट्राजेनेकाको दोस्रो मात्रा

२०७८ कार्तिक ९ गते, मंगलवार

अमेरिकी डलरको भाउ बढ्यो

२०७८ कार्तिक ६ गते, शनिबार

दशैंको अन्तिम दिन आज कोजाग्रत पूर्णिमा

२०७८ कार्तिक २ गते, मंगलवार

नेपाल सुनचाँदी रत्न तथा आभूषण महासंघका अध्यक्ष रमेश महर्जनको निधन

२०७८ कार्तिक १ गते, सोमबार

१० मिनेटको अन्तरालमा सिन्धुपाल्चाेक केन्द्रविन्दु भएर ४ दशमलव ७ रेक्टर स्केलकाे दुइवटा भूकम्प

२०७८ कार्तिक १ गते, सोमबार

2021 Copyrights Reserved at newzpati.com

Designed & Developed By Web House Nepal