अब हरेक दिन बिहान ११ बजेदेखि महानगरको निःशुल्क पीसीआर परीक्षण सेवा

२०७८ जेष्ठ १० गते, सोमबार

काठमाडौं – कोभिड संक्रमणको लक्षण देखिएका तथा शंका लागेका व्यक्तिलाई गरिने पोलिमेयर चेन रियाक्सन (पीसीआर) परीक्षणका लागि काठमाडौँ महानगरले नमुना संकलनको नयाँ तालिका सार्वजनिक गरेको छ ।

जसअनुसार अब हरेक दिन बिहान ११ बजेदेखि कम्तीमा २ वटा केन्द्रबाट स्वाब संकलनको व्यवस्था गरिएको छ ।

यस अघिको नियमित तालिकामा दिनको एउटा केन्द्रबाट मात्र हुने गरेकोमा अब २ देखि ३ केन्द्रबाट स्वाब संकलन हुनेछ । यसका अतिरिक्त धेरै संख्यामा परीक्षण गर्नु पर्ने वडाबाट माग आएमा त्यस ठाउँमा पनि स्वाब संकलनको व्यवस्था गरिने भएको छ ।

नयाँ तालिकाअनुसार आइतबार वडा नं.–२९ को पद्मकन्या स्कूल, डिल्लीबजार र वडा नं.–४ को विशाल मिलन केन्द्रमा स्वाब संकलन हुनेछ ।

त्यसैगरी सोमबार वडा नं.– १६ को बहुउद्देश्यीय मार्सल आर्ट केन्द्र (जुडो हल), वडा नं.– २० को शान्ति निकुञ्ज विद्यालय र वडा नं.– ३२ कार्यालय परिसरमा नमूना संकलन हुनेछ ।

मंगलबार वडा नं.– ८, बजबागेश्वरी, १४ कलंकी र २६ लैनचौर कार्यालय परिसरमा, बुधबार मीनभवनस्थित साविक ट्रलीबस परिसरमा र वडा १५ को भुइँखेलमा, बिहीबार बसन्तपुर र महाबौद्धमा तथा शुक्रबार वडा नं.– ३ कार्यालय परिसर महाराजगञ्ज र वडा नं.– ६ कार्यालय परिसर बौद्धमा नमूना संकलन हुनेछ ।

महानगरको यो सेवा निःशुल्क हो । परीक्षण गर्न जानु अघि सम्बन्धित वडाका क्लिनिक इन्चार्जसँग सम्पर्क गरेर आईएमयू (इन्फरमेसन म्यानेजमेन्ट युनिट) मा बिरामीको विवरण भर्नु पर्छ ।

पहेँलो रङ्गको फारममा प्रारम्भिक विवरण भरेपछि यी विवरण अनलाइन विधिमार्फत प्रणालीमा पठाइन्छ ।

महानगरका पीसीआर कार्यक्रम संयोजक ऋषिप्रसाद भुषाल भन्छन्, ‘अनलाइनमा तथ्याङ्क भरेपछि एउटा कोड आउँछ । यो कोडलाई पहेँलो फारममा टिपेपछि आईएमयू प्रक्रिया पूरा हुन्छ । जसले पीसीआर गराउने हो । यो विवरण अनिवार्य हुन्छ । कुनै कारणले परीक्षण अगाडि विवरणा भर्न सकिएन भने परीक्षण गरेपछि यी विवरण भर्नु पर्ने हुन्छ ।’

38 Views
प्रतिक्रिया दिनुहोस्

ताजा

घ्यू तथा खानेतेलमा अत्यधिक मूल्यवृद्धि

२०७८ जेष्ठ ३१ गते, सोमबार

घ्यू तथा खानेतेलमा अत्यधिक मूल्यवृद्धि

२०७८ जेष्ठ ३१ गते, सोमबार

फिनल्याण्डको नगरपालिका चुनावमा नेपाली ब्योमा ताम्राकार निर्वाचित

२०७८ जेष्ठ ३१ गते, सोमबार

‘विश्वकाे सबैभन्दा ठूलो परिवार’ का घरमुलीकाे निधन

२०७८ जेष्ठ ३१ गते, सोमबार

काठमाण्डौ उपत्यकामा २ देखि १२ दिन विराएर पानी वितरण हुने

२०७८ जेष्ठ ३१ गते, सोमबार

एक हप्ता थपियो निषेधाज्ञा, यी क्षेत्रमा खुकुलो

२०७८ जेष्ठ ३० गते, आईतवार

काठमाडौंमा स्कुटर बिजुलीको पोलमा ठोक्किएर एक जनाको मृत्यु

२०७८ जेष्ठ ३० गते, आईतवार

काठमाडौँ महानगरमा रोकिएको खोप कार्यक्रम भोलिदेखि शुरू

२०७८ जेष्ठ ३० गते, आईतवार

काठमाडौँ उपत्यकाको निषेधाज्ञा जेठ ३१ पछि पनि थप्न तयारी

२०७८ जेष्ठ २८ गते, शुक्रबार

असुरो के हो ,कस्ता रोगका लागि उपयुक्त हुन्छ?

२०७८ जेष्ठ २८ गते, शुक्रबार

काठमाडौंमा खोप कार्यक्रम स्थगित

२०७८ जेष्ठ २७ गते, बिहीबार

2021 Copyrights Reserved at newzpati.com

Designed & Developed By Web House Nepal